17 гыйнвар 2017 яңалыклары

• 17 гыйнвар 2017

  Балык Бистәсендә 18 гыйнварда һава хәле торышы.

  Көн болытлы булачак. Көн дәвамында җиңелчә кар яву ихтималы бар. Һава температурасы иртәнге сәгатьләрдә -18 дән кичкә -15 градусларга күтәреләчәк. Җилнең юнәлеше көньяк-көнбатыштан кичкә таба көнбатышка авышучан. Атмосфера басымы терекөмеш баганасының 762 мм.тәшкил итә. Һаваның дымлылыгы 83 % тирәсендә. Чыганак: gismeteo.ru

  
• 17 гыйнвар 2017

  Әлфинә Әзһәмова поезддан сикергән!

  Бу хәл татар эстрадасының үзенчәлекле җырчысы Әлфинә Әзһәмова Пермьга концерт куярга барганда булган. Җырчы салкын тидереп авыру сәбәпле, концертын башка көнгә күчерергә теләсә дә, тамашачының кәефен төшерми, юлга кузгала.

  
• 17 гыйнвар 2017

  Унитазга бәбиләп, сабыйны чүплеккә чыгарып атканнар

  Удмуртиянең Глазов районында акылга сыймаслык хәл булган. Әни кеше унитазга бәбиләп, иренә сабыйны чүплеккә чыгарып атарга куша. Хәзер бу коточкыч җинаятьнең нечкәлекләрен Тикшерү комитеты ачыклый.

  
• 17 гыйнвар 2017

  Балык Бистәсе районының Чирмешән авылында гомер итүче Галия Сафина гөмер йомгагын сүтә.

  Күңел төшермичә яши белүе тормыш авырлыкларына баш имичә яшәргә көч биргән аңа. Барлык сугыш чоры балалары язмышы белән аваздаш аның язмышы.

  
• 17 гыйнвар 2017

  Балык Бистәсенең өч эшмәкәре өч гаиләне яңа йортлы иттеләр

  Якташыбыз, эшмәкәр, Дәүләт Советы депутаты Альберт Фәхретдинов изге гамәлләре белән балыкбистәлеләрне сөендереп кенә тора.

  
• 17 гыйнвар 2017

  Татарстанда "социаль" ипинең бәясе билгеләнде

  Социаль яктан якланган кулланучылар еш сатып ала торган "Сельский", "Дарницкий" һәм беренче сорт оннан эшләнгән бер кирпеч ипи 650 грамм булырга тиеш. "Сельский"ның бәясе 27 сум 90 тиен, беренче сортлы оннан пешерелгән ак ипинеке 29 сум 80 тиен, "Дарницкий"ныкы 25 сум 90 тиен. Бу хакта "Татарстан" радиосының "Туры элемтә" тапшыруында...

  
• 17 гыйнвар 2017

  Камил Исхаковның сеңлесе: «Әни өч кенә көн авырып, кулымда җан бирде»

  10 гыйнвар көнне Казанның экс-мэры Камил Исхаков гаиләсе зур югалту кичерде: Камил әфәнденең әнисе Илһамия Газиз кызы 91 яшендә бакыйлыкка күчте. Ничә яшьтә булуына карамастан, әнисе исән чакта бала - бала булып кала. Әни кеше дә һәрвакыт кирәк, һәрчак кадерле, газиз зат.

  
• 17 гыйнвар 2017

  Пай җире кишәрлегеннән нигә теләгәнчә файдалана алмыйбыз?

  Татарстанда пай җирләреннән файдалану хокукыннан мәхрүм крестьян-фермер хуҗалыклары саны арта бара. Бу мәсьәләне Татарстан Республикасы Җәмәгать палатасы оештырган "түгәрәк өстәл" форматындагы утырышта күтәрделәр. Татарстанның фермерлар һәм крестьян хуҗалыклары ассоциациясе рәисе Камияр Байтимиров әйтүенчә, республикадагы авыл хуҗалыгы продукциясенең 53,6 процентын крестьян-фермерлык хуҗалыклары җитештерә.

  
• 17 гыйнвар 2017

  Моннан соң ферма мөдирләре бозау урлый алмаячак

  Малларны контрольдә тотар өчен яңа мобиль кушымта уйлап табылган. Бу хакта "Татар-информ" мәгълүмат агентлыгы хәбәрчесенә проектның җитәкчесе Рушан Ибраһимов бәян итте. Аның сүзләренчә, проектны "Агроинновации" оешмасы финанслый, аның составына IT-парк та керә.

  
• 17 гыйнвар 2017

  2017 елда колорадо коңгызы күп булырмы: галимнәр фаразы

  Үсемлекләрне саклау Бөтенроссия институты галимнәре 2017 елда колорада коңгызына каршы чаралар күрү кирәк булмаска мөмкин дип фаразлый. Бу, беренче чиратта, Россиянең Төньяк-Көнбатыш өлешенә кагыла. "Фермер.ру" сайты хәбәр иткәнчә, колорадо коңгызы, 2008 елдагы кебек үк, кризис кичерә.

  
• 17 гыйнвар 2017

  Балык Бистәсе егете, артист Олег Фазылҗанов: Фәнис Җиһанша миннән азан әйттертә

  Мөселман татары белән керәшен гаиләсендә үскән Татарстанның атказанган артисты Олег Фазылҗанов, "Туым Җондозы" керәшен җырларын яшь башкаручыларның конкурс-фестиваленең гала-концертына килгәч, "Татар-информ" мәгълүмат агентлыгы хәбәрчесенә үзенең ике динне дә хөрмәт итеп яшәргә тырышуы турында сөйләде.

  
• 17 гыйнвар 2017

  Татарстан егетләре, картайгач кына барырсыз дигәнгә үч итеп, Хаҗ кылырга велосипедка атланып барган (ФОТО)

  Моннан ел ярым элек газетабыз­да, Булат Нәсыйбуллин хаҗга велосипед белән барырга җыена, дип язган идек. Сәгате килеп җитмәгәндер инде, билгеле бер сәбәп­ләр белән, ул елны хаҗга бара алмады. Ә былтыр җәй көне исә аңа тәвәккәлләп барып кайтырга насыйп булды.

  
• 17 гыйнвар 2017

  Квартплата түләүләрендә хата китсә – штраф

  2017 елның 1 гыйнвареннан Россиядә квартплата түләүләрен исәпләгәндә хаталанган өчен идарәче компаниияләрне штрафка тарта башладылар. Намуссыз коммуналь хуҗалык хезмәткәрләренә торак хуҗаларына артык саналган сумманың 50 процентын түләргә туры киләчәк, дип хәбәр итә ТАСС.

  
• 17 гыйнвар 2017

  Мирхәт Гайсин: «Кыш бабайдан ипотеканы түләттерер идем»

  - Кызыклы Яңа еллар тормышымда күп булды... Безнең якта «Йортка Яңа ел кертү» дигән йола бар. Төнге 12не сукканнан соң йортка беренче булып ир-ат керсә, шуны яхшыга юрыйлар иде. Яңа елны алып кергән кешегә күчтәнәч, акча биреш. Классташым белән бу көнне озак көттек.

  
• 17 гыйнвар 2017

  Элвин Грей салмыш булган?

  Уфада Элвин Грей үзе булганмы, әллә двойнигымы - Яңа ел бәйрәмнәрендә исерек килеш күргәннәр. "Дусты белән кибеттән салмыш көе чыгып килә иде", - дип яза артистның бер фанаты социаль челтәрдә. Икенче берәү Радикның гомергә дә алай йөрмәвен, артистка ошаган кешенең Уфада яшәвен белә икән. Ул кешенең исеме Денис булып, бер...